"Burlesque (2010)"

Америкийн жүжигчин, кино зохиолч, найруулагч Steve Antin-ны зохиож найруулсан, Cher, Christina Aguilera нарын томоохон уран бүтээлчдийн гол дүрийг амилуулсан Burlesque(2010) мюзикал кино анх нээлтээ хийсэн өдрөө (11 сарын 24) л гэхэд 2.86 сая долларын орлого олж, өнөөг хүртэл Box Office-н жагсаалтын тэргүүн эгнээн дэх байраа хадгалсаар байна.

Цааш унших »

"Life As We Know It (2010)"

Найруулагч Greg Berlanti-ийн бүтээл "Life as We Know It" буюу "Бидний мэдэх амьдрал" романтик-инээдмийн кино яг одоо "Өргөө" кино театрт гарч байгаа ба энэ киног эх орондоо үзэх завшаан тохиолоо.

Нэгэн жижиг бялууны газар ажиллуулдаг Холли Беренсон, телевизийн спортын нэвтрүүлгийн техникийн албаны ажилтан Эрик Мессер нарыг тэдний хамгийн дотны найзууд болох Петр, Алисон нар тэднийг хооронд нь танилцуулж, дотносуулахаар оролдсон ч бүтэлгүйтэв.

Цааш унших »

"Walk the Line (2005)"

Америкийн кино найруулагч James Mangold-ыг алдрын тавцан хүргэсэн бүтээл бол яах аргагүй Walk the Line (2005) юм. 20-р зууны америкийн нэр нөлөө бүхий уран бүтээлчдийн (ая зохиогч, дуучин) нэг, country, rock, rock`n roll, blues урсгалын уран бүтээлүүдээрээ алдаршсан Jonny Cash-ын бодит амьдралаас сэдэвлэн бүтээжээ. Энэ кино нь 2005 оны Оскарын кино наадамд 5 төрлөөр нэр дэвшиж, шилдэг жүжигчны шагналыг Reese Witherspoon авсан байна.

Цааш унших »

"My Piano (For Horowitz)"

Солонгосын найруулагч Kwon Hyeong-jin-ын 2006 оны бүтээл My Piano (Horobicheu-reul wihayeo).

Vladimir Horowitz шиг алдар нэр нь олонд дуурссан төгөлдөр хуурч болохыг мөрөөдөж явсан ч хөгжмийн өндөр боловсролыг эзэмшихэд хүрэлцэхүйц сургалтын төлбөрийг төлөх боломжгүйгээс хүссэн өндөрлөгтөө хүрч чадаагүй төгөлдөр хуурч Kim Ji-su өөрийн жижиг урлангаа нээж, хүүхдүүдэд төгөлдөр хуур заах сургалтыг явуулж эхэлнэ. Нэгэн санамсаргүй тохиолдлоор хэзээ ч үг дуугардаггүй, дүрсгүйтэж, хэрэг тарьж явдаг Kyung-min хэмээх өнчин хүүг хооллож, хувцаслаж байх амлалтыг эмээд нь өгдөг. Энэ үеэс хойш Kyung-min төрөлхийн гайхалтай авьяасыг олж анзааран, түүнийг төгөлдөр хуур тоглох арга барилд сургаж, Kyung-min-ы чадвар томоохон хөгжмийн мэргэжилтнүүдүүдэд үнэлэгдэж эхэлнэ.

Цааш унших »

"Secret"

Тайванын алдарт уран бүтээлч Jay Chou-н зохиолыг нь бичиж, найруулж, гол дүрд нь тоглосон "Secret" уран сайхны кино 2007 онд гарснаасаа хойш азийн орнуудад багагүй амжилт олж, шилдэг кино, шилдэг киноны хөгжим, шилдэг компьютер график төрлүүдээр цөөнгүй шагнал хүртжээ.

Tamkang ахлах сургуулийн хөгжмийн ангид шинээр шилжин ирсэн Jay нэртэй хүү урьд сонсож төгөлдөр хуурын ая сонсоод хуучин хөгжмийн өрөөнд орж ирэн хөгжмийн ангид сурдаг Rain хэмээх нууцлаг охинтой танилцсанаар үйл явдал эхэлнэ. Энэ цаг үеэс л тэд бие биедээ татагдан дотносч Jay-г анх сургуульд ирэх үед тоглож байсан аяыг Rain Jay-д зааж өгөөд энэ зохиолыг хөгжмийн хуучин өрөөний төгөлдөр хуур дээр тоглохгүй байхыг аминчлан захидаг.

Цааш унших »

"Gran Torino"

Нэрт найруулагч, жүжигчин, продесер, ая зохиогч Clint Eastwood-н хамгийн сүүлд гаргасан уран бүтээл болох Gran Torino кино нь 2009 оны эхээр гарсан.

Цагтаа Солонгосын дайнд оролцож, гавьяа шагнал хүртэж явсан, хатуу яхир, зөрүүд зантай, хүүхдүүд, эргэн тойрныхонтойгоо ч төдийлөн таарамжтай бус харьцаатай, өөрөө өөртэйгээ ч зөрчилдөж байдаг Walt Kowalski-н хөршөөр Азийн нэгэн үндэстэн болох Hmong үндэстэн айл нүүж ирсэнээр гол үйл явдал өрнөдөг.

Цааш унших »

"Алтан өргөө"

Тэртээ 1940-өөд оны хүйтэн дайны үе ард хоцорч Монгол-Германы найрамдалт харилцааны илэрхийлэл болгон 2 орны уран бүтээлчид хамтаар 1961 онд "Алтан өргөө" уран сайхны киног бүтээсэн түүхтэй. Зохиолын хувьд гэвэл Монгол ардын үлгэр домгоос сэдэвлэн зохиолч С.Эрдэнэ гуай, Германы зохиолч Курт Бортфелд нар кино зохиолыг бичсэн. Хэдий 2 орны хамтын бүтээл хэдий ч зохиолын үйл явдал нь дан Монголчуудын амьдрал ахуй, соёлыг дэлгэн үзүүлсэн (Лусын хааны ахуйд л Европ үлгэрийн шинж чанар багахан орсон байдаг).

Цааш унших »

Социализм, Коммунизмын уналт, Материализм + Өөрийн бодол

Нэгэн цагт дэлхийн талыг эзлэн ноёрхож явсан Монгол улс доройтон задарч, хоёр зуу гаруй жилийн туршид Манж чин гүрний дарлалд дор сөхрөн, Манж чин гүрний уналтын дараахан 1911 онд Богд хаант Монгол улсаа зарласан, 1915 онд Хятад улсын автономи болсон, автономи эрхээ 1919 онд алдаж 1921 онд "улаан" Оросын тусламжтай бүрэн эрх улс болохоо зарласан тунхагласан зэрэг олон үйл явдал богинохон хугацаанд болж өнгөрсөн байдаг.

Цааш унших »

"The Pianist" буюу "Төгөлдөр хуурч" кино

Польшын нэрт найруулагч Роман Полански-н 2002 онд бүтээсэн "The Pianist" буюу "Төгөлдөр хуурч" киног кино урлагийн түүхэн дэх үнэхээрийн агуу бүтээл хэмээн магтан шагшихаас өөр аргагүй юм. Кино найруулагчийг дайн тулаан, хүний дотоод сэтгэл, сэтгэлзүй, урлагийн ертөнцийг гаргууд судалж, өчүүхэн жижиг деталиудыг ч алдалгүй уран нарийн гаргасаныг гайхмаар. Гэхдээ миний хувьд энэ бүтээлийн авсан шагнал, жүжигчдийг танилцуулж магтаал урсгахыг алгасаад кинонд гарах нарийн ширийн агшнуудыг анзааран түүвэрлэж өөрийн тайлбарыг нэмэн өгүүлэхийг зорилоо.

Цааш унших »

"Би чамд хайртай" кино

1990-ээд оноос өмнө бүтээгдсэн Монгол кинонууд ихэвчлэн тэр үеийн социалист бүтээн байгуулалт, коммунизм хэмээх хэзээ ч хэн ч хүрээгүй нийгмийг бүтээн байгуулахын төлөөх хөдөлмөрлөхийг ухуулан сэнхрүүлсэн бүтээлүүд байсан бол энэхүү киногоор зөвхөн залуусын хайр дурлал, дотоод ертөнцөд хандаж чадсанаараа "цоо шинэ" хэв маягийг гаргаж чадсан юм.

Цааш унших »

Надад мөрөөдөл бий && Мөрөөдөхөд учир бий...

"Надад мөрөөдөл бий..."

Арьс өнгөөр ялгаварлан гадуурхалтын эсрэг, хүний эрхийн төлөө цогтой тэмцэгч, агуу уран илтгэгч Мартин Лютер Кинг тэртээ 1963 онд хүн бүхний сэтгэлд "оч бадраасан" энэхүү алдарт ишлэлийг (1964 онд Нобелийн шагнал хүртсэн илтгэлийн нэр) хэлсэн байдаг.

Цааш унших »

Хэвшмэл сэтгэлгээ ба Дотоод мөн чанар

Хүн хэмээх бодгаль ямар нэг зүйлд бат итгэхээрээ тэр зүг рүүгээ гайхалтай туйлширч чаддаг, эргэцүүлж бодохдоо дуртай биш, тунгаан бодож олсон мөн чанараасаа зугтах дуртай тун чиг бардам "амьтан" мэт.

Цааш унших »

Шар айрагны бөглөө буюу Бизнес тоглоом - 1

Жаахан байхдаа шар айраг, 100-гийн ундааны бөглөөг давтаж хавтгайлаад тэдгээрийгээ асар олноор нь гарын алган дээр хурааж тавьж байгаад дээш шидэн алганы ар тал дээр буулгах, түүнийгээ дээш шидэн нэгийг ч унагаалгүй барьж авах гэх мэт өвөрмөц үзүүлбэр үзүүлж байгаа хүүхдүүдийг харан алмайрч зогсдогсон. Гэвч удалгүй шар айрагны бөглөө нь үзүүлбэрийн хэрэгсэл төдий байхаа больж хосгүй "үнэт цаас", "валют", бизнес тоглоом болж хувирсан билээ.

Цааш унших »

Өөр лүүгээ өнгийхүй

Амьдрал хэмээх сонирхолтой аялалын уртхан замд бартаа нугачаа багагүй тохиолдоно. Өгсөлт уруудалт, өндөрлөг уналтууд нь нийгэмд харагдах "бие" хүн, өөрөө ганцаараа сонсох "дотор" хүмүүст ав адилхан тохиолддог бололтой. Дотоод ертөнцийн уналтаас хүн бүр сэрэмжилж сайхан сайхан руу тэмүүлтүгэй хэмээн өөрт тулгарсан амаргүй үеийг эргэн дурсан өгүүлсүү.

Цааш унших »

Аз жаргал, Амжилт

Ухамсарт хүмүүний амьдралын туйлын хүсэл юу болох талаар асуугаад ул суурьтай тунгаан бодсон хариултыг нь сонсвоос магад "Аз жаргалтай амьдрал" хэмээн хариулах биз ээ. Мөн энэ үүнийг бодож тунгаах үедээ гарт биетээр үл баригдах аз жаргалыг өөр өөрийнхөөрөө томьёолон тодорхойлдог байх.

Цааш унших »

Хайр → Мөнхийн хайр

"...Хайрлан хайрлахгүй юм бол
Халуун зунаар ч хайрын цэцэг хагдардаг юм шүү..."
"...Энхрийлж энхрийлэх юм бол
Хайруу өвлөөр ч хайрын цэцэг дэлгэрдэг юм шүү..."

Цааш унших »